9 Урок. Жывёльны свет

Cучасная фауна раёна даволi багатая i разнастайная. Па сваім характары яна не адрознiваецца ад астатняй падзоны змешаных лясоў Еўропы. Засяленне тэрыторыi падзоны дзiкiмi жывёламi адбылося ў далёкiм геалагiчным мiнулым. Чацвярцiчнае абледзяненне ўнесла iстотныя змяненнi ў жыццё i састаў жывёльнага свету. Паступова на змену жывёлам цёплага клiмату, якiя вымiралi, прыходзiлi жывёлiны, што прыстасавалiся да халодных умоў надвор’я. З часу апошняга абледзянення яны знаходзiлiся пад непасрэдным уплывам чалавека. Пад яго прамым цi ўскосным уздзеяннем адны вiды млекакормячых зусiм знiклi, колькасць прадстаўнікоў іншых відаў зменшылася, а асобных вiдаў, наадварот, павялiчылася.

Акрамя таго, на працэс вымiрання цi скарачэння колькасцi пэўных вiдаў паўплывала развiццё земляробства, пры якiм пашыралiся плошчы ворных зямель за кошт скарачэння лясных масiваў. Прыклад — буры мядзведзь, якi раней быў шырока распаўсюджаным вiдам, а зараз сустракаецца вельмi рэдка.

Колькасць дзікіх жывёл і птушак у Глыбоцкім раёне

Сучасны жывёльны свет раёна адносiцца да падвобласцi Памарктыкi. Прадстаўлены ён даволi шырока. Тут жыве больш за 50 вiдаў жывёл, якiя аб’яднаны ў шэсць атрадаў: грызуноў, драпежнiкаў, рукакрылых, насякомаедных, парнакапытных i зайцападобных. Значэнне млекакормячых для прыроднага комплексу вельмі вялiкае. Сярод iх маюцца паляўнiча­прамысловыя вiды, а таксама жывёлы, якiя знiшчаюць шкоднiкаў сельскай гаспадаркi.

Захаванню параўнальна вялiкай колькасцi вiдаў жывёл на тэрыторыi раёна садзейнiчае спрыяльная для iх прырода: разнастайнасць рэльефу, мноства лясоў i кустоўя, вялiкая колькасць буйных i малых азёр.