Каталог Артыкулаў

Главная » Статьи » Артыкулы

1 Урок. Геаграфічнае становішча раёна
1 Урок. Геаграфічнае становішча раёна

Глыбоцкі раён знаходзіцца на паўночным захадзе Рэспублікі Беларусь у паўднёва-заходняй частцы Віцебскай вобласці і займае плошчу 1759, 6 км2 , што складае 4, 5% плошчы вобласці. Па гэтым паказчыку раён знаходзіцца на дзевятым месцы сярод раёнаў Віцебскай вобласці. У той жа час на тэрыторыі Глыбоцкага раёна маглі б умясціцца 7 еўрапейскіх мікрадзяржаў (Андора, Ватыкан, Гібралтар, Ліхтэнштэйн, Мальта, Манака, Сан-Марына).               Працягласць тэрыторыі з поўначы на поўдзень - 34 км, з захаду на ўсход - 58 км. Такім чынам, працягласць тэрыторыі па геаграфічнай шыраце адносіцца да яе даўжыні па геаграфічнай даўгаце як 1:1,7. Суадносіна гэтых паказчыкаў  для тэрыторыі Рэспублікі Беларусь – 1:1,2, для Віцебскай вобласці - 1: 1,6. Гэта азначае, што тэрыторыя Глыбоцкага раёна больш выцягнута з захаду на ўсход, і яе тэрыторыя менш кампактная, чым тэрыторыя ўсёй нашай рэспублікі і, нават, вобласці. Разам з тым,  кампактнасць тэрыторыі стварае спрыяльныя ўмовы для ажыццяўлення зносін паміж асобнымі часткамі раёна.
         
                  Найбольшая вышыня - над узроўнем мора -226,4 м (на ўсход ад вёскі Кавалі Абрубскага с/с)
Самае нізкае месца - над узроўнем мора – 130 м (урэз вады ракі    Палавіца) 
 Тэрыторыя раёна размешчана паміж  550 211 0411 пн.ш. і 540 491 3011 пн.ш.. Крайні паўночны пункт знаходзіцца ў лясным  масіве ў 2 км на поўнач ад вёскі Навуменкі-1 Ломашаўскага с\с, а паўднёвы - 1 км на поўдзень ад вёскі Ласкаўшчына Карабоўскага с/с. Па гэтай прычыне розніца ў часе па працягласці самага кароткага дня (22 снежня ) складае 61 паміж поўначчу і поўднем.
  Крайні заходні пункт раёна размешчаны на 270 211 5011 у. д., у 2 км на ўсход ад вёскі Луцк-Масарскі Удзелаўскага сельскага савета, а ўсходні – на 280 211 2411 у.д. у вёсцы  Гатаўшчына Ломашаўскага с/с. Тэрыторыя раёна размешчана ў другім гадзінным поясе. На ўсходзе дзень пачынаецца на  4 хвіліны раней, чым на захадзе. 

Фізіка–геаграфічнае становішча Глыбоцкага раёна вызначаецца ў першую чаргу тым, што раён знаходзіцца на заходняй ўскраіне Усходне – Еўрапейскай раўніны, цалкам у межах Беларуска - Валдайскай фізіка-геаграфічнай правінцыі. Цэнтральная і паўднёва-ўсходняя частка раёна раўнінная, паўднёвая і паўднёва-ўсходняя  -  узвышаная. На паўночным захадзе – ускраіна Полацкай нізіны, на паўднёвым усходзе заходзіць Верхнебярэзінская нізіна. Паўднёвая частка раёна ў межах Свянцянскіх град з сярэднеўзгорыстым рэльефам. Раўнінны рэльеф з чаргаваннем нізін і ўзвышшаў спрыяльны для розных відаў гаспадарчай дзейнасці.
 Большая частка рэк раёна з’яўляецца прытокамі сярэдняга цячэння ракі Заходняя Дзвіна і адносіцца да басейна Балтыйскага мора. На паўднёвым усходзе раёна праз геамарфалагічны помнік прыроды мясцовага значэння "Кавалеўская гара”(226,4 м) праходзіць буйны Чарнаморска - Балтыйскі водападзел. Гэта адна з асаблівасцей фізіка-геаграфічнага становішча нашага раёна.
Другой  важнай асаблівасцю фізіка-геаграфічнага становішча раёна з’яўляецца нязначная аддаленнасць яго тэрыторыі ад Атлантычнага акіяна і адкрытасць як цёплым вільготным атлантычным паветраным масам, так і халодным паветраным масам з поўначы. Гэта заметна ўплывае на стан надвор’я як зімой, так і летам. Глыбоцкі раён, як і ўся Віцебская вобласць, ляжыць ва ўмераным кліматычным поясе, які найбольш населены і гаспадарча асвоены. Параўнальна цёплыя зіма і лета, даволі значная працягласць вегетацыйнага перыяду і дастатковая колькасць ападкаў дазваляюць вырошчваць на тэрыторыі раёна ўсе тыповыя для сярэдняй паласы Усходняй Еўропы сельскагаспадарчыя культуры. 

Эканоміка - геаграфічнае становішча

Тэрыторыя Глыбоцкага раёна займае зручнае становішча адносна сваіх бліжэйшых суседзяў, таму што яна з’яўляецца сувязным звяном паміж  Браслаўскім, Пастаўскім, Докшыцкім,  Шаркаўшчынскім, Міёрскім і Полацкім раёнамі. Гаспадаркі азначаных раёнаў дапаўняюць адна другую і забяспечваюць пастаянныя інтэнсіўныя эканамічныя сувязі паміж імі. Знешнія сувязі раёна ажыццяўляюцца па магістралі агульнадзяржаўнага значэння Вільнюс - Полацк, рэспубліканскага значэння Дрэтунь – Дзісна  - Празарокі, Бягомль – Глыбокае – Даўгаўпілс, чатырох абласных аўтамабільных дарогах, а таксама па чыгунцы  Круляўшчызна-Варапаева-Паставы, Маладзечна – Полацк. Адміністрацыйным, гаспадарчым і культурным цэнтрам  раёна з’яўляецца горад Глыбокае, размешчаны ў 187 км ад абласнога цэнтра і ў 165 км ад горада Мінска.

ПРАЦЯГЛАСЦЬ  ГРАНІЦ   ГЛЫБОЦКАГА РАЁНА  - 244 км,

у  тым ліку з раёнамі

 

Назва раёна

км

Назва раёна

км

Докшыцкі

 

52

Полацкі

 

28

Міёрскі

 

14

  Ушацкі

 

30

Пастаўскі

 

46

Шаркаўшчынскі

 

74


Категория: Артыкулы | Добавил: evgeniy_cherkes (13.02.2014)
Просмотров: 1180 | Рейтинг: 0.0/0
Всего комментариев: 0
Имя *:
Email *:
Код *:
Форма ўвахода
Катэгорыі раздзела
Артыкулы [91]
Карысныя рэсурсы



Міністэрства культуры
Рэспублікі Беларусь



Нацыянальная бібліятэка
Беларусі



Турызм у Беларусі


  Глыбоцкі раённы выканаўчы камітэт



Віртуальны тур па музеях Глыбоччыны



Дзень беларускага пісьменства

Пошук


Надвор'e у Глыбокім

Статыстыка

Aнлайн yсяго: 1
Гасцей: 1
Карыстальнікаў: 0